عاوزه اعرف معلومات عن انشائيين ومعماريين مهمين

[المهندسه ايمان]

السلام عليكم
ازيكم جميعا

كنت عاوزة اعرف حاجة مش عارفة اجيب معلومات عنها منين
ف اللي يعرف يقولي

ازاي الواحد يجيب معلومات عن انشائيين ومعماريين مهمين
واهم اعمالهم
انا مش عارفاهم .. بس عاوزة اعرفهم
يعني .... : انا مش عارفة غير الانشائيين والمعماريين اللي درستهم
بس لا أعرف اي شئ عن الناس التانيين المهمين او حتى المش مهمين الموجودين
السؤال باة اجيبهم منيييييين وازاي ؟

فيه حاجة غريبة كدة ههههههههه ... انا حاسة بسعادة فظيعة وانا بطلب ان حد يعرفني ويقولي .... بجد والله مش مبالغة .......يمكن عشان بقول اني مش عارفة ...... او لاني عرفت اني مش عارفة.........او لاني عرفت ان اللي انا عارفاه مش لازم يكون هو بس اللي انا عارفاه ههههههههههههههههه..........مش عارفة


قلت اللي حاسة بيه دة عشان ممكن حد تاني يكتشف ان اللي كان يعرفه.... يطلع مايعرفوش ويقرر يعرفه واكون انا السبب .....
اوعى حد يعرف وينسى يعرفني ههههههههههههههههههههههه
شكرا شكرا

[sayed]

بالطبع اللى بناخده فى الدراسة مش بيكون عشر ما نتعلمه بالحياة

وإن شاء الله نحاول مع بعض نتعلم كل شئ

والقسم ده متهيألى هيقوم بالغرض ده

أننا نحاول نطرح المهنة ونتكلم فيها بكل مشتملاتها

وكمان نتعرف عليها

يلا بقى يا مهندستنا قولى لينا أتعلمتى أيه

علشان أحنا كمان مش هنبخل عليكى بالمعلومات

وربنا ييسر الحال للجميع

[ذكرى]

متشكرين يا اخت ايمان على كلامك

اللي انا شايفه تفكيرك في هندسه رائعه

بس انا مش بدرس هندسه

ممكن اعرفك على بنت خالي لانها مهندسه معماريه

ولو عايزه اعرفك على المواد اللي درسناها واللي بندرسها ما في مشكله

ربنا يوفقك وما يحرمنا من معلوماتك اللي هانستفيد منها

[المهندسه ايمان]

مشكوريا اخ سيد
مشكوره يا ذكرى يا غاليه
ان شاء الله ارد عليكم قريبا واتكلم عن مهنتى
شكرا على مروركم الجميل
تسلمولى

[المهندسه ايمان]

يلا بقى يا مهندستنا قولى لينا أتعلمتى أيه

علشان أحنا كمان مش هنبخل عليكى بالمعلومات
يعنى واحده قصاد واحده ولا ايه ههههههههههههه
فى البدايه نفسى اوضح الفرق بين المهندس المعمارى والانشائى عشان معظم الناس بيخطلت عليهم الامر
المهندس المعمارى هو اللى بيقوم بتقسيم البيت او الفيلا او ما شابه ذلك الى (نوم,صالون,حمام,مطبخ......) يقوم بتحديد اماكنهم و مقاستهم.
المهندس الانشائى تبدا وظيفتة بعد ما يخلص المعمارى فيقوم بوضع نظام انشائى للمنشأ والنظام الانشائى يشمل(نظام ونوع الاسقف,نظام ونوع وعدد واماكن ومقاسات الاعمده,وكذلك الكمرات ان وجدت,القواعد او اللبشه )
وكل ده طبعا بيكون بحسابات وتحققات(CHECKS).
كلام دمه تقيل ههههههههههههههه صح؟
الخلاصه : حضرك لو شوفت منشا وعجبك وقولت ده جميل او قولت العكس لو معجبش فانت تقصد فى هذه الحاله الشغل المعمارى وليسى الانشائى (ده لو انتا مش مهندس) يعنى الشغل الانشائى = شغل مخفى = خرسانات وحديد
اسفه طولت عليكم بس طبعا مينفعش ارفض طلب لمديرنا العزيز
ولو حد عنده اى استفسار انا فى الخدمه يا احلى منتدى واحلى صحبه.

[sayed]

كلام مظبوط ميه ميه

بارك الله فيك أختى الكريمة

بس عاوزين توضيح أكتر وأكتر

وأزاى نفيد إسلامنا من خلال عملنا

[المهندسه ايمان]

شاكره حضوره اللى نور صفحتى يا مديرنا العزيز
وحضرتك اوحيت لى بفكره إن شاء الله تعجبكم
وربنا يقدرنى على تقديمها بصوره صحيحه ومشرفه إن شاء الله قريبا

[sayed]

ربنا يبارك فيكى أختى إيمان

يلا عاوزين نشوف همتك بقى معانا

وتخرجى الأفكار اللى نستفيد منها

والجميع إن شاء الله يستفيدون

[المهندسه ايمان]

السلام عليكم
الموضوع كبييييييييير يا حضرة المدييييييييير
انا كنت عايزه اشرح او اوضح كيفية التصميم للمنشات
والتصميم عموما بحره وااااااااااااسع جدا بس الدراسه عموما فى اغلب الجامعات بتكون فى حدود
وعشان اتكلم فى التصميم الهندسى لازم اكون على علم بصحة ما اقول عشان ده يمس ارواح الناس
عشان كده انا خايفه ومترده وربنا يعلم اد ايه انا نفسى اقدم اى شئ مفيد ومشرف للمنتدى لكى يستفيد الجميع
تحيـــــــــــــــاتى

[sayed]

ربنا يبارك فيكى أختى الكريمة

وده هيخليكى إن شاء الله تقدمى أحسن حاجه عندك

وبعدين إن شاء الله هتقدرى تفهمينا حاجه حاجه

وإن شاء الله كمان تشرحى لينا الأوتوكاد

ونقدر نشتغل عليه كمان

[ابنة الأقصى]

بارك الله فيكي اختي ايمان

وربنا يوفقك في المهمة التي كلفتي بيها

ومنتظرين ابداعاتك وشرحك المميز

[المهندسه ايمان]

شكرا ليكى يا ابنة الاقصى
انا الحمد لله معلوماتى جيده فىالاوتوكاد والساب
لان السابSTRUCTURAL ANALYSIS PROGRAM) SAP) برنامج التحليل الانشائى و هو اقرب الى مهنتى وانا طبعا استخدم الاوتوكاد
بس الشرح لازم يكون عملى يعنى يكون البرنامج مفتوح وبيرسم خطوه بخطوه يعنى مينفعش يكون نظرى
وع العموم انا فى الخدمه

[sayed]

جزاكم الله خيراً أختى الكريمة

وإن شاء الله حضرتك تشرحى لينا الأتوكاد

وبعدين الساب ونستفيد كتير إن شاء الله

[المشاكس]

أسجل حضوري

وإن شاء الله نستفيد من الهندسة إيمان

وجعل الله الجهد في ميزان حسناتها


=== هذه الرسالة تلقائية ===

هذا هو أول موضوع لك في المنتدى . سوف تجد موضوع الترحيب الخاص بك هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[البطل على]

الاخت المهندسه ايمان بارك الله فيك انا بطلب من حضرتك طلب وهو انا عايز برنامج الاوتوكاد ان كان ممكن وجزاكى الله خيرا ---

[المهندسه ايمان]

أسجل حضوري

وإن شاء الله نستفيد من الهندسة إيمان

وجعل الله الجهد في ميزان حسناتها


=== هذه الرسالة تلقائية ===

هذا هو أول موضوع لك في المنتدى . سوف تجد موضوع الترحيب الخاص بك هنا. الرجاء المشاركة في موضوع الترحيب الخاص بي
=== هذه الرسالة تلقائية ===
اهلا بيك اخى

ان شاء الله تستفيد

بفضل الله نحاول نفيد بما يهدينا اليه الله

شكرا لك اخى نورتنا

[المهندسه ايمان]

الاخت المهندسه ايمان بارك الله فيك انا بطلب من حضرتك طلب وهو انا عايز برنامج الاوتوكاد ان كان ممكن وجزاكى الله خيرا ---
اسفه لتاخرى فى ارد معذره اخى

طبعا اخى اى خدمه لا تتردد اخى فى طلب اى شئ

بس المشكله ان البرنامج مش هينفع احمله على المنتدى

لو عندك حل قولنا عليه

وعموما انا ممكن ابعته للاستاذ سيد

وحضرتك تاخذه منه مع انى نفسى انزله ع المنتدى

لكل اللى عايزه

[عمده المصريين]

ربنا يوفقكم جميعا ويا شباب عاوزين نغير الفكره اللى انا طرحتها بعنوان المسلمين واليهود وعاوز اخليكم تخلونى اغير رئيي فى الموضوع اللى كتبته بدون اوجه مقارنه واكتب مكانو هذا هو الاسلام والمسلمين بدون اوجه مقارنه بينا وبينهم لاننا فى الحقيقه احسن بس احنا مش عارفين كده مش عارفين قدرنا عند انفسنا وربنا يوفقك يا اخت ايمان او عشان متزعليش يا مهندسه ايمان وتقدمى لنا ما نفتخر به والمسلمين كلهم واشكر الاداره الاستاذ سيد على حرصه لتقديم كل جديد ليس للمنتدى فقط وانما للاسلام اولا ويلا شدى حيلك عشان اخليك تصممى لى شقتى ان شاء الله وارجو انى اكون ضيف خفيف عليكم
تقبل مرورى وتحياتى
اخوكم عمده المصريين

[المهندسه ايمان]

اهلا بيك اخى نورتنا

واذا اردت حضرتك اننا نصمم لك شئ نحن فى خدمتكم

اشكرك لمرورك ووفقكم الله للخير دائما